Nag‑awhag si Dir. Gerry Caño, Asian Criminological Society President, sa mga kongresista sa Mindanao nga barugan ug respetuhon ang tingog sa katawhan nga mibutang kang Vice President Sara Duterte sa iyang posisyon.
Matod niya, dili lamang sa Cagayan de Oro ug Misamis Oriental apan sa tibuok Mindanao kinahanglan paminawon sa mga mambabalaod ang mandato sa milyon ka mga Pilipino nga mibotar sa bise presidente atol sa piniliay.
Gipasabot ni Caño nga kapin 32 milyones ka mga Pilipino ang misuporta kang Duterte, busa dili unta kini matangtang pinaagi lamang sa giingong political persecution.
Gihangyo usab niya ang mga kongresista nga magpakita og respeto ug pagtahod sa kabubut‑on sa katawhan, ilabi na sa umaabot nga mga lakang kabahin sa impeachment issue.
Iyang gilaraw ang kabalaka nga basin adunay mga mambabalaod nga molihis sa mandato sa katawhan tungod sa impluwensiya sa politika ug kuwarta.
Gitataw usab ni Caño nga nagtuo siya nga mas kusgan gihapon ang gahom sa kamatuoran ug tingog sa katawhan kumpara sa bisan unsang pressure sulod sa Kamara.
