Wala katubag sa laing higayon ang mga naglangkob sa House Blue Ribbon Committee dihang gipangutana ni Vice Pres Sara Duterte kabahin sa basehan sa legalidad kon nganong gipriso nila si Office of the Vice President o OVP chief of staff Atty Zulieka Lopez sa kamarabaha.
Kini human gipangayua’g tubag ni VP Sara si House Blue Ribbon Committee chairperson Cong. Joel Chua kon angay ba isulod sa prisohan si Lopez tungod lang sa isyu sa ‘due process’.
Naglisod pagtubag si Chua rason nga gilayong misugyot ang iyang mga kauban sa komitiba nga adunay ipatuman una nga un-minuto nga suspensiyon sa hearing kay walay ikatubag.
Miingon si Duterte nga iya nang gitudluan ang naglangkob sa komitiba kay aron dili mosamot mabutang sa dakong kaulawon ang House of Representatives.
Dumduman nga sentro sa imbestigasyon ang pagguba kang Duterte pinaagi sa pag-utingkay kon giunsa ang paggasto sa confindential ug intelligence funds nga miagi sa OVP ug Department of Education.
Hisayrang subay sa balaod, dili unta kini angay buhaton sa kamarabaha kay protektado sa Commission on Audit nga mga dokumento.
Apan kay mando man sa administrasyon nasayran sa publiko ang napadulngan sa pondo alang sa intelligence ug confidential operability activities.
