CAGAYAN DE ORO CITY – Dili na mag-imbestigar ang kamarabaha sa iskandalo sa pagpatuman sa Good Conduct Time Allowance o GCTA law sa Bureau of Corrections o BuCor sa kauluhan.
Kini human unang nabulgar nga giabusaran ang pagpatuman sa GCTA law sa liderato ni dismissed BuCor chief Nicanor Faeldon.
Gibutyag ni Cagayan de Oro 2nd District Rep Rufus Rodriguez nga wala na sila’y angay imbestigaron kay gitangtang na ni Pres Rodrigo Duterte si Faeldon tungod sa maong iskandalo.
Namahayag si Rodriguez nga maoy angay buhaton na lamang sa Kongreso ang pagpalig-on sa maong balaod aron dili na masubli ang iskandalo sa BuCor.
Samtang giawhag sa Police Regional Office o PRO-10 ang kanhi convicted criminals nga benepesaryo sa Good Conduct Time Allowance o GCTA law nga motahan na sa pinakaduol nga estasyon sa kapolisan sa rehiyon.
Kini sa pagsiguro nga masunod ang kamanduan ni Pres Rodrigo Duterte nga ipaubos sa rebyo ang ilang kuwalipikasyon sa GCTA.
Gihimo ni PRO-10 spokesperson Lt Col Mardi Hortillosa human mitahan si ex-criminal convict Larry Sawayan, 49 sa Bukidnon diin konbiktado sa kasong arson ug rape sa tuig 1991.
Si Sawayan ang nakagawas gikan sa Davao Penal Colony o Dapecol niadtong Marso ning tuiga lamang.
