CAGAYAN DE ORO CITY-Nabawi gikan sa mga pinuy-anan ni kanhi Marawi City Mayor Fahad M-16 rifle,kauban ang 120 ka bala;upat ka M203 high explosives ug 10 ka suspected shabu gikan sa iyang mga pinuya-an diha sa Upper Balulang sa syudad kaganihang kadlawon.
Matud ni PNP regional spokesperson Supt Lemuel Gonda nga ang pagronda sa mga pinuya-nan ni Salic ang subay sa gipagawas nga search warrant ni RTC Branch 18 Executive Judge Dennis Alcantar.
Maoy nakuha sa unang pinuy-anan ni Salic sulod sa Xavier Estates ang nahisgutang mga kontrobando samtang sa iyang ikaduha nga balay ang nag-negatibo kini sa mga butang nga gipangita sa mga otoridad.
Nasuta nga ang paglusob sa pinuy-anan ni Salic ang dungan nga operasyon sa CIDG-10,4th ID,Philippine Army,PDEA-10 ug mismo sa kapolisan sa syudad.
Hisayrang si Salic ang una nang nasikop sa checkpoint tungod sa kasong rebelyon nga may koneksyon sa kagubot sa Marawi City sa Misamis Oriental sa miaging gabii.
