CAGAYAN DE ORO CITY-Gikompirmar ni BJMP El Salvador City Jail C/Insp Orson Garcia nga napuno sa mga binilanggo ang nasulod sa ilang bilangguan diha sa El Salvador City ning lalawigan.
Kini kon isubay sa United Nations kon UN standard nga 10 kada-selda apan sukwahi ang anaa sa maong jail facility.
Miingon si Garcia nga inay 50, misaka pa sa 102 ang ihap sa mga piniriso nga nabalhog sulod sa lima ka selda.
Gihimo kini ni Garcia pahayag nunot usab sa gilusad nga oplan greyhound sulod sa mga selda kagahapong adlawa.
Gibutyag sa maong opisyal nga misaka ang ihap sa mga ilang mga inmates gumikan sa war on drugs campaign sa Duterte administration.
Hinoon,walay gidiling droga nga nakompiskar gawas lamang sa pipila ka kutsara,lansang ug guba nga gripo.
