CAGAYAN DE ORO CITY- Nagbahad si Pres Rodrigo Duterte nga iyang bombahan ang mga lugar nga gitaguan sa mga rebeldeng New People’s Army sa kabukiran.
Kini nunot na sa brutal nga kamatayon sa tulo ka sundalo sa Bukidnon.
Si Pres Duterte miingon nga panahon na aron maggamit sa armadong kusog ang air assets panggubat sama na lamang sa helicopters ug fighter jets aron bungkagon ang mga rebeldeng NPA.
Una nang gipanganti ni Pres Duterte nga iyang ihatag ang gubat nga gusto sa mga rebelde taliwala nga dili siya modeklarar sa “all out war”.
