Makasinati og dry condition ug dry spell ang pipila ka lalawigan sa Region-10 samtang gilaumang magpadayon ang epekto sa El Niño hangtod sa unang mga bulan sa tuig 2027.
Namahayag si Office of Civil Defense Region-10 Regional Director Antonio Sugarol nga gipagawas na ang RDRRMC Advisory para sa Misamis Occidental, Lanao del Norte, Bukidnon, Camiguin, ug Misamis Oriental.
Subay sa gipagawas nga inpormasyon gipanganlan sa opisyal nga dili lang shortage sa tubig ang posibleng epekto sa hulaw kundi apil na ang agrikultura, food security, public health, energy supply, ug grass fires.
Tungod sa maong sitwasyon, gipahinumdoman ang matag pamunoan nga dili na maghulat sa national agencies ug paspasan ang pagpatuman sa mga lakang sa pagpanalipod sa lungsod.
