Dako ang risgo nga masubli ang mga kalapasan sa katungod sa tawo kon kalimtan sa publiko ang mga pait nga leksyon sa kasaysayan sa nasod.
Naghatag og lig-ong pahimangno si Liberal Youth Northern Mindanao Chairman Andre Josol human sa pagsaulog sa ika-54 nga tuig sa pagdeklarar sa Martial Law kagahapong adlawa.
Dugang pa sa batan-ong lider nga bisan pa man nakabangon na ang nasod sa maong ngitngit nga kagahapon, nagpabilin gihapon nga nagkabahinbahin ang mga tawo tungod sa mga pamilya sa politika.
Tungod niini, nanawagan ang pundok sa Liberal Youth sa katawhan nga buhiyon pag-usab ang pagpakabana ug pagbarog alang sa kaugalingong katungod ug maayong kaugmaon.
