Lisod ang transformasyon sa mga lider sa nasud kung dili nila personal nga masinati ang kapait sa kinabuhi sa masa pinaagi sa pagpuyo uban kanila.
Kini ang gipamulong ni IP Rights Defender Wilson C. Amad kinsa nangandoy og lider nga adunay kasing-kasing sama ni kanhi Presidente Ramon Magsaysay.
Matod pa niya, gikinahanglan nga makasulay ang mga opisyales sa pagkaon og udlot sa bayabas ug pagpuyo sa mga mangingisda aron tinuod nilang mabati ang kalisod nga nasinati sa katawhan.
Hinuon, gipadayag niya ang kasubo tungod kay nahimo na lamang karong audience ang mga tawo sa mga anomalya ug dili maayong binuhatan sa pipila ka mga opisyal samtang daghan ang nagkalisod.
Nagtuo ang IP rights defender nga mahitabo lamang ang tinuod nga kausaban kung ang mga lider tinuod nga makapuyo sa kahimtang sa mga kabos.
