CAGAYAN DE ORO CITY – Gisugdan na sa Misamis Occidental Provincial Police Office ang pagpatuman sa hugot nga seguridad sa mga lugar nga adunay intense political rivalry pila ka adlaw sa dili pa ang piliay.
Si Misamis Occidental 1st Provincial Mobile Force Company commander Police Lt Col Lemuel Gonda miingon nga kabahin sa ilang gibantayan ang lungsod sa Concepcion diin adunay natala nga pagpang-ambush nga gikaangol sa tulo ka barangay kagawad.
Asoy ni Gonda nga blangko pa sila sa mga suspek apan dako ang ilang pagtoo nga election related ang motibo sa krimen.
Hisayran nga naila nga mga supporter sa usa ka mayoralty candidate ang mga biktima nga nagserbisyo usab isip mga lay ministers.
