CAGAYAN DE ORO CITY – Gisugdan na’g bansay sa Comelec 10 ang mga magtutudlo ug ubang technical personnel nga ilang gamiton sa pagpahigayon sa May 12 elections.
Kini kabahin sa pag-operate automated counting machines o VCMs nga iya sa kompanyang Miru.
Miingon si Comelec 10 regional director Atty. Renato Magbutay nga ikaduhang hugna na kini sa training kay unang nasugdan ang bansay-bansay didto sa kauluhan sa miaging semana.
Siya miingon nga dili kaayo daghang kabag-uhan ang pagdumala sa makina apan angayang maniguro sila nga dili magka problema ang electoral board sa higayon nga himoon na ang mismong pagpahigayon sa May 12 elections dinhi sa rehiyon.
