Nipadayag og kabalaka si PAGASA Mindanao Weather Services Chief Anianita Fortich sa posibilidad nga mautro ang panahon sa grabe nga kagutom sa nasud niadtong tuig 1982 ug 1983 kon dili motuo ang mga mag-uuma sa gipagawas nga pasidaan sa buhatan bahin sa El Niño.
Busa nagpahimangno ang opisyal sa mga nag-alima og mais nga likayan ang pagpataka og tanom nga walay paglantaw sa mga weather forecast.
Nasayran gikan sa buhatan nga ang El Niño moluntad og kapin sa usa ka tuig ug magdala og grabeng kainit kauban ang patak-patak nga ulan sa pipila ka dapit sa nasud.
Tungod niini, gihangyo pag-ayo sa mga weather specialist ang tanang mag-uuma nga makanunayong sigurohon ang datos sa panahon aron dili maalkanse sa puhunan ug maseguro nga dili mapasmohan ang kadaghanan.-
