CAGAYAN DE ORO CITY-Tolo ka sundang, mga gagmay kutsilyo, bolo ug makahubog nga ilimnon ang inisyal nga nakompiskar sa mga kapulisan nga nagbantay sa City Memorial Park, nga kanhi-ay nailang Bolonsori Cemetery sa Brgy Camaman-an ning syudad.
Gitug-an ni Team Leader SPO4 Lito Baculio sa Bombo Radyo nga dunay usa ka lalaki ang ilang gisita human gidudahang hubog.
Laing lalaki sab ang nakuhaan sa makahubog nga ilimnon.
Hinoon, gisaad sa mga kapulisan nga i-uli ra kanila ang mga nakompiskar nga mga butang oras nga makagawas sila sa sam-ang.
Una niini, padayon ang abiso sa mga otoridad nga sitahon nila ang mga nagdala sa saba nga mga butang sama sa karaoke ug guitara aron dili makadistorbo sa mga dumuduaw.
