CAGAYAN DE ORO CITY-Gibaharan sa Philippine Air Force o PAF ang tanang miembro niini nga dili mag-abusar sa ilang mga buluhaton sulod o gawas sa lugar nga diin sila na destino.
Kini tungod kay pagkatangtang sa trabaho ug pagka-priso ang dangatan sa bisan kinsa nga opisyal o miembro nga mosopak sa patakaran sa PAF.
Gihimo ni PAF regional spokesperson Lt Col Ferdinand Encomienda ang pasidaan tungod sa pagpusil-patay sa usa ka opisyal samtang nakig-inom sa junior officer niini sa Tactical Operations Group o TOG-10 sa kanhi Lumbia airport ning syudad.
Miingon si Encomienda nga gikasubo nila ang kamatayon ni Staff/Sgt Renante Blanco hinungdan nga gipaubos nila sa pag-imbestigar ang suspek nga si Airman
2nd Class Reymart Noquera.
