CAGAYAN DE ORO CITY – Gibalik lantaw sa pipila ka mga igsoong Muslim ang nahitabong gyera tali sa gov’t forces ug Maute-ISIS inspired group sa Marawi City.
Gibutyag ni Oro Jama-ah Muslim Association Coordinating Council Pres Mohamad Gondarangin nga dili sayon nga malimtan ang ngilngig nga gyera diin miguba sa ilang pinangga nga syudad.
Gibutyag ni Gondarangin nga dismayado usab sila sa dugay pagpabalik kanila sa ilang pinuy-anan.
Hangyo nila sa gobyerno nga unta doblehon pa ang paningkamot aron mapaspasan ang pagrehabilitate sa Marawi.Samtang 200 ka baka ang giihaw sa Turkish-Filipino Solidarity Association ug grupong CARE sa Baungon, Bukidnon.
Kini alayon na sa kasaulogan sa Eid’l Adha kon Festival of Sacrifice. Ang karneng baka ang gipang-apod apod sa grupo sa mga kabus nga residente sa Cagayan de Oro City, Marawi City, Balo-i ug Iligan City.
Una nang gibutyag ni Islamic Information Office admin Ammar Marabillas nga usa ka mahinungdanon nga okasyon alang sa mga Muslim ang Eid’l Adha.
