CAGAYAN DE ORO CITY – Gipanganti ni Gov Bambi Emano nga apson nga matibawas ang nabilin nila mga gitinguha nga mga proyekto nga matukod sa lalawigan sa dili pa hingpit mahuman ang termino niini sa Hunyo 2022.
Kini human unang giyagag sa gobernador ang iyang mga nahimo nga mga serbisyo ug proyekto sa halos 9 ka tuig nga pagpangatungdanan sa lalawigan.
Miingon si Emano nga dili lamang niya e-litanya kon unsa man ang nahimo niini sa tulo ka termino apan mismo na ang katawhan sa probinsya ang makapamatood niini.
Gihimo sa gobernador ang pahayag nunot sa iyang katapusang state of the province address o SOPA nga gihimo sa kapitolyo probinsyal kagahapong adlawa.
Hisayrang sa wala pa ang SOPA,opisyal na usab nga gi-ablihan ang ika-9 nga edisyon sa Kuyamis Festival diin may mga aktibidad nga nakahan-ay niini ug kabahin sa gihulatan sa katawhan ang koronasyon sa mahimong bag-ong hara o reyna sa bangga sa kaanyag nga ilusad sa Gingoog City ning semanaha.
