CAGAYAN DE ORO CITY – Dili lang mga sakop sa rebeldeng New People’s Army o NPA ang giluwas ug gusto maplastar sa mga sundalo ang mga kinabuhi sa nangabiyaan nga mga binuhing iro sa halos 600 ka pamilya nga apektado sa writ of demolition order sa korte sa duha ka lote nga military reservation sa Camp Evangelista,Brgy Patag sa syudad.
Kini human gipasalig sa 4ID,Philippine Army nga dili pasagdan apan hulaton nga dunay mga residente nga hilig sa pagbuhi sa mga iro nga mosagop kanila aron magbaton sa mas luwas nga kahimtang.
Inisyal nga naluwas ug na-kustodiya sa mga sundalo ang 35 ka iro nga nabiyaan sa ilang mga tag-iya samtang nagka-problema usab sila kon asa makabalhin sa bag-ong kapuy-an.
Masaligon ang 4ID nga unta dunay grupo o mga indibidwal nga mosagop sa maong mga iro nga nagkinahanglan sa pag-atiman aron padayong magpakabuhi bisan nagkalayo na sila sa ilang mga agalon.
