CAGAYAN DE ORO CITY – Dili angayang maghinobra ang pagbatikos sa mga grupo nga nagsilbing pildiro nga maoy nanghingusog nga mapalagpot sa katungdanan si Vice Pres Sara Duterte pinaagi sa unanimous decision sa Korte Suprema nga pagbasura sa impeachment case nga mugna sa kamarabaha.
Miingon si Atty. Greg Pallugna,presidente sa Intergrated Bar of the Philippines-Misamis Oriental chapter nga hayan taktika kini sa mga kontra-Duterte apan dili angayang pasobrahan ang pagbiay-biay sa mga mahistrado sa taas nga hukmanan.
Kini aron kalikayan nga matandog sa ilang mga garbo ug dili na sila mohatag konsiderasyon sa mga apelar sa petisyon ni Duterte.
Personal nagtoo si Pallugna nga lisod nang mausab ang hukom sa korte suprema sa deklarasyong unconstitutional sa kaso ni VP Sara.
Dumduman nga daghan ang wala moangay sa hukom sa korte suprema diin adunay mitawag sa mga mahistrado nga mga ulipon sa mga Duterte ilabina kadtong mga nanghingusog sa ilang pasangil kang VP Sara.
Apan napildi gumikan sa wala namao nga proseso sa impeachment case filing.
