CAGAYAN DE ORO CITY – Gipanganti sa PDEA-10 nga dunay ilang pangdakpon nga dagkong mga personalidad sa politika o mga politiko nga nalambigit sa narco-politics dinhi sa rehiyon.
Kini human kompirmaha ni PDEA -Misamis Oriental Team chief Agent Kent Cardona nga dunay pagsaka sa volume sa ilegal nga droga partikular sa Cagayan de Oro nga hayan gamitong tinubdan sa taliabot 2022 elections.
Gihimo ni Cardona ang pahayag nunot sa ilang pagkadakop sa high value target nga si Arnel Asuncion nga taga- Oriental nga tuyo unta mobagsak sa balor 26 milyon pesos nga shabu dinhi sa rehiyon.
Una niini,gikompirmar ni PDEA 10 Director Jigger Montallana nga nakasuhan na nila sa pagsupak sa Dangerous Drugs Act of 2022 si Asunscion sa piskalya sa Iligan City kagahapong adlawa.
