CAGAYAN DE ORO CITY-Pakigkitaan ni Ozamiz City Police Station commander C/Insp Jovie Espenido si Pres Rodrigo Duterte sa Malakanyang sa mga mosunod nga adlaw.
Kini aron personal iyagyag ni Espenido kang Pres Duterte ang pipila ka opisyal niya sa PNP nga direktang nalambigit sa pagpadagan sa gidiling droga sa nasud.
Butyag ni Espenido nga masulti niya ang detalye niini tungod kay dugay kini nga nagsilbing operatiba diin mismo ang nahimo niya nga city police director ug chief of police ang nalambigit partikular sa mga rehiyon sa Visayas ayha nadestino dinhi sa Mindanao.
Hisayrang mismo usab si Espenido ang mibulgar nga may 10 ka pulis ang nagpagamit sa pamilyang Parojinog aron mapanalipdan ang mga nahitabo nga kremin.
