CAGAYAN DE ORO CITY – Mibati’g kahingawa ang mga hugpong sa mga negosyante kabahin sa misamot ka ngil-ad nga away-politika bando ni Pres Bongbong Marcos ug kanhi Pres Rodrigo Duterte.
Kini tungod kay kung dugay mahupay ug mograbe pa ang ilang away,hayan mo-resulta sa negatibong epekto sa patigayon sa domestic ug foreign direct investments sa nasud.
Miingon si Ray Talimio Jr,presidente sa MSMEs Misamis Oriental-Cagayan de Oro Devt Council nga bisan sila naghulat sa mga resulta sa legal petitions nga nakasang-at sa Korte Suprema.
Gitumbok ni Talimio ang pagdangop sa pamilya ug mga alyado ni Duterte aron hangyo-on ang taas nga hukmanan nga ipapauli na ang kanhi president nga detinado sa ICC.
Hisayrang mibuto ang ICC arrest ni Duterte pipila ka semana gikan sa iyang pagbulgar nga nabulit sa kurapsyon ang nasudnong pondo ni Marcos nga tuyo madeklara nga dakong supak sa batakang balaod.
