CAGAYAN DE ORO CITY-Ipatawag sa committee on Trade and Commerce ang kadagkoan sa LBC Express uban sa komitiba ni Kag Romeo Calizo sa komitiba police, fire and public safety sa konseho.
Tumong niini nga masayran ni Kag Geogre Goking,chairman sa komitiba kon nganong kanunay gakatulisan ang maong establishimento.
Gani, nagbahad si Goking nga pasirad-an ang maong establishimento kung magdumili sila pagbutang sa security guards ug dili kini motuman sa mga rekomendasyon sa lokal nga kagamhanan.
Ulahing gitulis ang LBC sa Tirso Neri, Velez Street ning dakbayan sa duha ka suspetsado diin nadala ang mokabat P110 mil.
Samtang gitakdang i-depensa sa liderato sa Cagayan de Oro City Police Office o COCPO kon nganong sunod-sunod nga maigo sa pagpanulis ang mga sanga nga buhatan sa kompanyang LBC ning syudad.
Kini human naalarma ang city council gumikan sa laing pagkatulis sa maong kompanya diha sa Divisoria sa syudad sa miaging Domingo sa buntag.
Gibutyag ni COCPO spokesperson Supt Mardi Hortillosa nga gitakdang mohatag usa sa katin-awan ang ilang kadagkuan sa pagpangulo ni Sr Supt Nelson Aganon joint committee meeting sa konseho karong buntag.
Nasayran nga kabahin sa natulis nga branch sa LBC ang Pabayo,Carmen ug Divisoria ning syudad sa nagsunod lamang nga bulan ning tuiga.
