CAGAYAN DE ORO CITY-Giabog ni City Police Director Sr/Supt Nelson Aganon kadtong mga pulis nga dili makasunod ug makapatuman sa mga direktiba mamintinar lamang ang kahusay’g kalinaw sa syudad.
Kini human may pipila ka mga pulis nga nagbagutbot tungod sa bag- o nga oras sa police visibility sa nagkadaiyang kadalanan sa dakbayan.
Miingon si COCPO spokesperson Supt Mardi Hortillosa nga kon dili kaya sa mga pulis ang gipatuman nga kabag-uhan ubos ni Aganon,sila mahimong mo-retiro o mo-resign na lamang sa ilang mga trabaho.
Nasayran nga sa pipila ka adlaw nga adjustment sa seguridad sa syudad,sunod-sunod ang mga kasong tulis ug pagpamusil ang nangahitabo.
