CAGAYAN DE ORO CITY-Gikasuhan sa tulo ka kasong kriminal ang Guerilla Front Committee 86 sa rebeldeng New People’s Army o NPA sa piskalya sa Malayabalay City,Bukidnon.
Kini human gipangkawat sa mga rebelde ang pipila ka tag-as nga armas ug gigamti nga get away vehicles sa Dasia Security Agency nga nakabase sa Valencia City sa miaging semana.
Si PNP regional spokesperson Supt Lemuel Gonda miingon nga kabahin sa gipasaka nga kaso ang kidnapping,robbery ug carnapping batok mga suspek.
Hisayran nga sa gihimo nga follow up operation sa militar ug kapolisan,nasikop ang usa ka espiya sa NPA diin nakuha ang pipila ka giingong ebedensiya.
