CAGAYAN DE ORO CITY-Ipasaka ang kasong arson batok sa kapin kon kulang 30 ka mga sakop sa gituohang teroristang New Peoples Army o NPA nga misunog sa duha ka backhoe units sa Sumilao, Bukidnon sa miaging adlaw.
Gibutyag ni PNP regional spokesperson Supt Lemuel Gonda nga gipanag-iyahan ni Korean Leo Woo ang nasampit nga luna gi-atake sa wala pa ilhing mga kalalakihan.
Wala pa tubaga sa negosyante kung pakyas nga pagbayad sa revolutionary tax ang ugat-hinungdan sa insidente.
Dugtong niini, gawas sa mga dagkong ekipo, may usa usab ka wala panganling pulis ang inotil sa binuhatan sa mga terorista nga nagtuyok sa Bukidnon.
Gibulgar ni Gonda nga kanunay magdawatan sa “extortion money” ang mga elemento sa NPA aron dili sunugon ang iyang plantasyon sa kamaisan.
