CAGAYAN DE ORO CITY-Naghinam-hinam na ang overseas Filipino workers nga makita si Pres Rodrigo Duterte sa Amman, Jordan ug Israel.

Kini may kalabutan sa himoong pagbisita niini sa Setyembre 3 sa iyang two-day visit sa maong kanasuran.

Si Pres Duterte ang pinakaunang presidente sa Pilipinas nga motunob sa Jewish state.

Matud ni Bombo Radyo CdeO correspondent Marjorie Majorenos nga anaa sa Amman, Jordan nga makigtagbo si Pres Duterte sa Filipino Community diin may himoong ‘meeting de avance’.

Nalipay ang mga OFW’s sa kahigayonan nga gihatag kanila nga makahinabi si Pres Duterte sa Agosto 30 hangtud 31 ning tuiga.

Si Majorenos miingon nga gusto ipaabot sa mga Pinay domestic helper ang ilang mga problema sama sa nasinatiang pagmaltrato sa ilang mga employer diin dili sila sweldohan ug daghan pang uban.

Sa pagkakaron, nabusy ang OFWs sa preparasyon sa himoong pagbisita sa presidente sa maong nasud.