Gikalipay sa Misamis Oriental Provincial Agriculture Office ang mga pagbubo sa ulan sa lalawigan sa kasamtangang bulan. Reaksiyon kini ni Mis Or Provincial Agriculturist Apollo Pacamalan sa pakighinabi sa Bombo Radyo.
Namugos si Pacamalan nga kasagaran, magsugod ang dry season sa Pilipinas sa Pebrero, Marso ug Abril ug gilauman nga mas musamot pa ang kainit sa temperatura sa pagka Mayo.
Mao kini ang panahon nga ting-ani, kay didto sa sa bulan sa Hunyo hangtud sa Oktobre ang tingtanom. Sa pagkakaron, usa sa mitigation sa Department of Agriculture ang pag-andam sa mga binhi nga gikinahanglan sa mga mag-uuma kung mu-abot ang higayon nga makasinati sa taas nga dry period ang lalawigan.
Kahinumduman nga sa milabay’ng El Nino sa 2023-2024, usa ang Misamis Oriental sa midamyos sa 8 milyon pesos, ubos sa rehiyon sa Northern Mindanao, epekto sa hulaw.
Ang nag unang pananom sa lalawigan mao ang mais, saging, ug ubang high valued crops.
