CAGAYAN DE ORO CITY-Nakompiskar sa militar ang laing suplay sa pagkaon nga gikan sa rebeldeng New People’s Army o NPA nga nakalutan sa Valencia City,Bukidnon.
Miingon si 403rd IB civil military operations head Capt Norman Tagros nga partikular nga nakadiskobre niini ang tropa sa 88th IB,Philippine Army nga gitabangan sa mga sibilyan sa maong lugar.
Miingon si Tagros nga ang maong mga pagkaon ang gisulod sa plastic containers ug gipanglubong sa yuta.
Sa miaging bulan sa Pebrero,nakalutan gihapon sa mga sundalo ang daghang pagkaon ug medical suplay sa mga rebelde nga giingong ilang pinangayo sa mga tawo ug mga negosyante sa maong lugar.
