Pugsanon nang gipabakwit ang daghang pamilya nga nakabase sa mga barangay nga duol sa tiilan sa Kalaon volcano sa Canlaon City,Negros Oriental.
Kini human imando sa Philippine Institute of Volcanology and Seismology o PHIVOLCS ang alert level 3 epekto sa pagbuto sa maong bulkan kaganihang hapon.
Saysay sa Phivolcs nga dilikado alang sa katawhan ang pagbuto sa bulkan tungod sa gilugwa nga init nga ash flow ug tipaka gikan sa baba niini.
Kini ng rason nga gimando ang taas nga alerto aron mohawa una ang mga residente sa sulod sa 6-kilometer radius gikan sa lokasyon sa bulkan.
Sa miaging Setyembre ning tuiga, natugaw usab ang daghang katawhan nga duol namuyo sa bulkan kay kalit kini naglugwa sa tonelada nga ‘harmful gases.
Kini na ang sobra 40 ka higayon nga nagbusikad ang Kanlaon volcano sukad 1866 diin ang grabe natala niadtong 1996 diin tulo ka mountain hikers ang namatay epekto sa kalit pagbuga sa isog nga aso sa baba niini.
Hisayrang ang 2-mil 400 metros nga kahabugon sa Kanlaon ang usa sa mga 24 ka aktibong bulkan sa Pilipinas diin nahimutang usab sa ‘Pacific Ring of Fire.’
