Mismo na si Senate Pres Francis Escudero ang nag-aghat sa mga biktima sa isyu sa war on drugs nga nagresulta sa extra judicial killings sa administrasyon ni kanhi Pres Rodrigo Duterte nga siya kasuhan sa korte.
Gi-base ni Escudero ang iyang pahayag sa pag-angkon ni Duterte nga iyang obligasyon ug dili sa kapolisan kon nangamatay man ang libuang suspected drug pushers nunot sa gipatuman niya nga palisya.
Unang mitambong si Duterte sa pagdungog sa senado diin nahitabo ang pag-angkon niini.
Apan gipasabot niini nga gipatuman niya ang seryosong kontra droga nga lakang tungod usab sa iyang tinguha mas luwason ang tibuok nasud batok sa mga sindikato sa illegal nga droga nga dugay nang napasagdan sa gobierno.
