CAGAYAN DE ORO CITY-Gipahiluna karon sa brgy covered court ang pipila ka pamilya nga apektado sa pagkasunog sa boarding house diha sa Tulay Semento,Agora,Brgy Lapasan ning syudad.
Kini human naugdaw ang maong gambalay nga gipanag-iya ni Thelma Rivera diin nag-atbang usab ang mga boarder nga may mga pamilya.
Gibutyag ni Lapasan Brgy Kap Omar Labuntog nga hatagan usab nila sa ayudang pinansyal ang mga apektadong pamilya.Hinoon,walay kinabuhi nga nakalas samtang gisuta pa sa mga bombero ang hinungdan sa sunog nga mitala’g 80-mil pesos nga structural damage.
Samtang ipaubos sa CSWD sa bio-profiling ang mga apektadong residente sa pagkasunog sa boarding house diha sa Tulay Semento,Agora,Brgy Lapasan ning syudad.
Gibutyag ni CSWD officer Teddy Sabugaa nga inisyal nga nahatagan nila sa batakang panginahanglan ang mga biktima nga naka-house sa covered court sa Brgy Lapasan sa syudad.
Sutaon usab sa buhatan ni Sabugaa kon mahimo pa ba makabalik ang mga biktima sa yuta diin nakatindog ang nasunog nga boarding house aron makapangita’g laing lugar nga sila maplastar kon gikinahanglan.
