CAGAYAN DE ORO CITY-Nagtoo ang mga sundalo nga mga bukog sa ISIS-Maute fighters ang ilang narekober didto sa Marawi City nga gidala sa Iligan City ning semanaha.
Gibutyag ni Iligan City Information head Joe Pantoja nga unom sa 23 ka patay’ng lawas sa tawo nga nakaabot sa ilang syudad ang gitoohang sakop sa lokal nga terorista.
Gani,gihimoan sa mass grave ang mga narekober nga mga patay’ng lawas gikan sa war zone.
Una usab niini,gitakdang ipaubos sa forensic examinations ang 17 ka halos bukog nang patay’ng lawas sa mga tawo nga narekober sa Marawi City ugmang adlawa.
Samtang gidepensahan ni ARMM 1st District Assemblyman Zia Alonto Adiong ang pagbati sa Maranao Muslims sa Marawi City.
Mi-ingon si Adiong nga nasabtan niya ang pagbati sa mga molopyo sa Marawi City nga gusto nang makabalik sa ilang yutang natawhan.
Gani, siya na mismo ang mi-awhag kanila nga makigkooperar sa mga otoridad inay batikuson.
Una na usab gipasalig ni 1st ID,Philippine Army spokesperson Lt Col Jo-ar Herrera nga andam kanunay ang gobierno nga hinluan batok sa mga terorista ang upat ka brgy aron hingpit nang makabalik ang libuang residente nga nanghikling ning panahona.
