CAGAYAN DE ORO CITY – Nagtangag sa hait nga mensahe alang sa mga negosyanteng nagpalusot sa pekeng mga sigarilyo ang pagka-ronda sa 12 ka stalls sa Cogon Market ning syudad kaganihang buntag.
Kini human ilusad ni Cogon Police Station commander Major Sabino Labitad ang operasyon batok sa smuggled cigarettes nga gipang-display sa mercado Cogon sa dakbayan.
Miingon si Labitad nga anaa sa 10 ka kahon sa klase-klaseng sigarilyo ang ilang nakuha ug gilayong gipaubos sa paggun-ob pinaagi sa pagbasa sa tubig.
Kini aron dili na mabalik pagbaligya nga dako’g epekto sa kahimtang sa ekonomiya sa nasud.
Daghan ang gisayangan sa mga gipangbasa sa tubig nga mga sigarilyo ilabina nga may puhunan usab ang mga negosyante nga nagbuhat niadto.
