Dismayado ang katawhan sa inotil nga pagtubang sa gobierno sa naghinobrang kalisod ug pagmahal sa mga batakang palaliton sa nasud.
Kini subay sa resulta sa mga survey sa Social Weather Station ug Stratbase Group nga anaa sa halos 60 porsiento sa katawhan ang wala matagbaw sa mga lakang sa gobierno nga mahaw-as sa kalisod ang nasud.
Gibutyag sa maong surveys nga unta magsilbi kining pangpukaw sa kahuyang sa gobierno pag-abot sa mga isyung pangkatilingbanon.
Dugtong usab niini,todo depensa si DSWD Secretary Rex Gatchalian nga wala matulog ang kagamhanan apan walay hunong sa pagpangita’g mga paagi nga matubag ang batakang panginahanglan sa katawhan sa nasud.
