CAGAYAN DE ORO CITY – Gihupay sa usa sa mga Pinoy nga nakabase sa California ang kabalaka sa Pilipinas nga dunay posibleng mga kababayan ang naapil sa namatay o missing sa subli pagkaylap sa wildfire sa Amerika.
![](https://img.bomboradyo.com/cdo/2020/09/1-2.jpg)
Kini human migrabe pagbalik ang paglamoy sa kalayo sa mga kalasangan nga sakop sa maong estado sa miaging adlaw.
![](https://img.bomboradyo.com/cdo/2020/09/3-2.jpg)
Gibutyag ni Bombo Radyo international correspodent Carmen Bacarrisas nga taga-Brgy Carmen ning syudad nga atua na nanimuyo sa maong estado nga ang global warming ang usa sa mga gitudlo nga hinungdan sa maong wildfires.
Una nang gika-report nga anaa sa 20 ka tawo ang patay samtang daghan ang misssing sa hitabo.