(Update) CAGAYAN DE ORO CITY-Gilusob sa hiniusang puwersa sa militar,kapolisan ug PDEA-10 ang dugang duha ka pinuy-anan ni kanhi Marawi City Mayor Fahad Pre Salic diha sa Camella Homes Subd,Upper Balulang sa syudad kagahapon sa hapon.
Kini human gimando sa korte pinaagi sa CIDG-10 nga sudlon ang mga pinuy-anan ni Salic sa pagduda nga naghupot sa mga kontrobando.
Mismo si Balulang Brgy Kag Jude Mabaylan ang kabahin sa misaksi sa pagronda sa mga otoridad sa mga pinuy-anan ni Salic.
Una niiini,gikalisang pag-ayo sa pamilyang Caliamama-o ang pagronda sa mga otoridad sa napalit nila nga balay gikan sa pamilyang Salic ilabina nga atua sa Iligan City ang ilang mga ginikanan.
Gibutyag ni Sinawi Calimama-o nga dili nila personal nga kaila o paryente ang mga Salic nga kanhi tag-iya sa pinuy-anan nga ilang napalit sukad tuig 2012 sa maong dapit.
Samtang negatibo sa bisan unsa nga kontrabando ang duha ka pinuy-anan ni Salic nga gironda sa militar ug kapolisan sa Camella Homes Subd,Upper Balulang sa syudad.
Kini sukwahi sa pagtoo sa mga otoridad nga nagbaton si Salic sa mga kontrabando nga gitago niini sa iyang laing duha ka pinuy-anan.
Gibutyag ni City Intelligence Unit o CIU head C/Insp Ariel Philip Pontillas nga mismo ang CIDG-10 ang nangulo sa operasyon ug nag-abag lamang ang ubang tropa sa gobierno paglusob sa mga balay ni Salic.
Una niini,nakuhaan sa armas,mga bala ug 10 ka sako sa shabu si Salic gikan sa unang balay nga gironda sa mga otoridad sa Xavier Estates sa kagahapon sa kadlawon.
