CAGAYAN DE ORO CITY – Nasunugan ang halos 40 ka pamilya samtang nag-atubang pa sa dakong epekto sa trahedya ang katawhan sa Iligan City.
Kini human anaa sa 32 ka balay ang nasunog sa wala pa natug-an nga rason sa Purok 11, Roosevelt Barangay Saray hinungdan nga 39 ka pamilya ang nawad-an ug panimalay.
Miingon si Iligan LGU Information Officer Joe Pantoja nga daw ang wala napalong nga electric fan sa usa ka ang hinungdan sa pagbusikad sa sunog.
Sa pagkakaron, ang mga nasunugan temporaryong midangop sa gymnasium nga nagsilbing evacuation center sa barangay samtang lain-laing sektor na usab ang naghatag ug pasiunang ayudad alang kanila.
Padayon usab ang BFP-Iligan sa pagdugang imbestigar sa maong sunog.
Balor sa 700-mil pesos ang parsyal nga damyos sa maong sunog.
