CAGAYAN DE ORO CITY-Ipadayon sa naglangkob nga mga opisyal ang mga nakahan-ay nga plano ni Dr Ricardo ‘Ric’ Rotoras nga gitumbong sa dugang pagpalambo sa University of Science and Technology of Southern Philippines o USTP ning syudad.
Gibutyag ni USTP officer-in-charge Dr Rosalito Quirino nga magtigom ang ilang kadagkuan aron tukion ang mga nabiyaan nga mga programa ug plano ni Rotoras sunod semana.
Miingon si Quirino nga gilimitahan una nila ang pagpagawas sa bisan unsa nga pahayag sa media samtang wala pa mahan-ay ang tanang adjustment sa kalit nga kamatayon ni Rotoras.
Hisayrang nagtanyag ang gobierno ug grupong Mason sa dos punto singko milyon pesos nga reward money aron sa dali pagsulbad sa pagpusil-patay kang Rotoras ning syudad niadtong Disyembre 2 ning tuiga.
