CAGAYAN DE ORO CITY-Gipanganti ni Pres Rodrigo Duterte ang pagsikop sa tanang protektor sa teroristang Maute nga nanghasi sa katawhan sa Marawi City nga dul-ag duha ka semana na.
Gihimo ni Duterte ang bahad tungod sa intelligence report nga nahuptan niini nga salapi gikan sa kinitaan sa droga ang gigamit sa mga terorista aron gubuton ang maong dakbayan.
Partikular nga gitumbok ni Duterte ang partisipasyon ni Police Supt Maria Cristina Nobleza kinsa nakig-relasyon sa teroristang Abu Sayyaf nga kuyog na usab sa Maute nakig-engkuwentro sa militar sa Marawi City.
Una nang milugwa ang report nga may mga politiko nga nagpaluyo sa kagubot sa Marawi City diin nalambigit usab sa pagpayuhot sa droga.
