CAGAYAN DE ORO CITY-Gi-awhag ni PNP-10 spokesperson Supt Surki Serenias ang mga pulis sa hinteland barangay sa Misamis Oriental nga makigsu-od sa mga residente ubos sa ilang area of responsibility.
Siya miingon nga kini lamang ang bugtong paagi aron mapakigbatukan ang mga himoong pagpangatake sa mga rebeldeng New Peoples Army sa mga police station.
Una nang giangkon ni Serenias nga usa sa ilang mga problema kon unsaon pag-alkontra ang mga pagpangatake sa mga NPA sa mga istasyon sa pulis.
