Igo lang naghilom ang mga pulis nga gipuli-puliha’g kuwestiyon ni kanhi Pres Rodrigo Duterte kuyog sa iyang mga abogado kung nganong pugsanon kining gidala sulod sa Villamor Airbase nga hearquarters sa Philippine Air Force sa Pasay City kaganihang buntag.
Kini human pangita-i ni Duterte ingon man ni kanhi executive secretary Atty Salvador Medialdea ug kanhi LTFRB chairman Atty Martin Delgra kung unsay basehan sa pagbitbit kaniya gikan sa NAIA Terminal 3 padulong sa kustodiya sa gobierno.
Siya miingon nga dakong ilegal ang pagdakop kaniya sa mga pulis subay sa mando sa International Criminal Court tungod sa kasong crime against humanity.
Miingon ang kanhi presidente nga kon itaral kini sa ICC court, e-kuwestiyon niya ang mga pulis nga midakop kaniya nga wala gani makapakita sa tukmang basehan sa warrant of arrest.
Si Duterte ang daan nang nanganti nga dili sibugan ang mga tawong utok sa ICC complaint kay alang kaniya,gibuhat lang niini ang ikaayo sa katawhan sa nasud nga gihimong gatasan sa mga dagkong sindikato sa ilegal nga droga.
Dumduman nga sa panahon ni Duterte,nabuhulan usab ang mga pulis kay nahimong doblado ang ilang mga suweldo itandi sa ubang mga trahante sulod sa gobierno.
Hisayrang nagsagol ang gibati sa mga tawo nga dunay nasuko nga gidakop si Duterte apan may mga tawo usab nga nalipay ilabina kadtong wala nahimoon sa iyang kampanya pagsumpo sa ilegal nga droga sa nasud.
