CAGAYAN DE ORO CITY-Gi-sorpresa sa laing mandatory drug testing ang mga pulis nga nakabase sa headquarters sa Maharlika Headquarters diin nakabase ang Cagayan de Oro City Police Office sa Brgy 40 ning syudad karong hapon.
Miingon si COCPO spokesperson C/Insp Mardi Hortillosa nga katuyuan niini nga mahaw-as ang pipila ka pulis nga tiggamitan sa gidiling droga ug makasuhan aron matangtang sa serbisyo.
Dugang ni Hortillosa nga kabahin gihapon kini sa Oplan Linis Bahay sulod sa PNP nga nakahaom sa anti-drugs operations ni Presidente Duterte.
Sa pagkakaron, dili pa matino kon kinsa ug pila ka pulis ang nag-positibo sa paggamit sa gidiling droga.
