CAGAYAN DE ORO CITY – Pangunayan ni PNP chief Gen Benjamin Acorda Jr ang paghatag pag-ila sa mga pulis nga milampos nagbawi sa 16 ka klase-klaseng kalibre sa armas nga iya sa CPP-NPA nga gipanglubong sa Brgy Lapok,Talakag,Bukidnon.
Kini alayon sa unang pagbisita ni Acorda isip PNP chief sa Camp Alagar diin himoon ang seremonya ugma sa buntag.
Miingon si PRO 10 spokesperson Police Maj. Joann Navarro nga pasidunggan sa heneral ang Team Miyarayon sa Revitalized Pulis sa Barangay nga sakop sa Area Police Command Eastern Mindanao nga maoy nakakalot sa maong mga armas.
Kabahin sa nabawi sa PNP ang improvised caliber 50 millimeter sniper;pitong M-16;tagtulo ka M-14 ug AK-47 rifles ug duha ka kalibre 45.
Samtang sa pagkutlo ning balita,wala pa’y tubag o komento ang panig sa mga rebelde kabahin sa gibandilyo sa gobierno.
