CAGAYAN DE ORO CITY – Dili luwas ang mga pulis batok sa kampanya sa online illegal games nga unang gika-alarma sa Catholics Bishops Conference of the Philippines/CBCP sa nasud.
Kini human subli gipalanog ni Police Major Joann Navarro,tigpamaba sa Police Regional Office 10 nga gidid-an ang ilang mga pulis pagpalambigit sa nagkadaiyang porma sa online illegal gambling games kay mapahamtangan sa bug-at nga mga silot.
Siya miingon nga dugay na sila nag-abiso sa ilang mga pulis nga dili magbaton sa online gaming apps sa mga cellphone aron walay kasong administratibo nga pang-atubangon.
Gihimo ni Navarro ang pahayag nunot sa gilauman nila nga dawatong tahas gikan sa Kampo Krame kay tabangan ang ubang govt agencies pagsanta sa online sugal.
