CAGAYAN DE ORO CITY – Gipanganti sa Criminal Investigation and Detection Group o CIDG-10 nga ilang imbestigaran ang report nga adunay mga pulis ang giingong investor sa KAPA dinhi sa rehiyon.
Si CIDG-10 regional director Police Lt Col Reymund Liguden miingon nga daghan sila’g nadawatan nga reports nga adunay mga pulis ang giingong miembro sa KAPA.
Nagbahad si Liguden nga mag-atubang sa kasong administratibo ang mga pulis nga mapamatud-an nga miembro sa maong pagpanapi.
Una nang gipahimangnuan ni PRO-10 regional director Brig Gen Rafael Santiago ang mga pulis sa rehiyon nga dili mag-apil apil sa KAPA aron dili mapasakaan sa kaso.
