CAGAYAN DE ORO CITY – Pahamtanga’g silot administratibo ang pipila ka pulis nga mapakyas pagpanas sa mga dayag nga patik sa lawas samtang aktibo pa sa serbisyo.
Kini maoy pagpasabot ni Police Regional Office 10 spokesperson Maj Joann Navarro kabahin sa gilugwa nga memorandum circular sa Camp Crame pag-abot sa isyu sa pagpatato sa mga pulis.
Miingon si Navarro nga mismo si kanhi PNP chief Gen Benjamin Acorda Jr ang naglugwa sa memo circular ug gipadayon lang sa kasamtangang liderato sa Camp Crame.
Namahayag si Navarro nga gihatagan lamang sila’g tulo ka bulan sa oras magsugod na ang pagpatuman niini ayha mo-epekto ang mga pagsilot sa mapakyas sa kamanduan.
