CAGAYAN DE ORO CITY – Gusto ni PNP deputy director for operations Maj Gen Nicolas Salvador nga pitulon ni Police Regional Office 10 Director Brig Gen Rolindo Suguilon ang pipila ka pulis nga magtinapulan sa ilang trabaho.
Kini may kalabutan sa kamanduan ni PNP chief Gen Nicolas Torre III nga paspas maka-responde ang mga pulis sa mga tawag sa emerhensiya ilabina sa urbanized cities.
Miingon si Salvador nga anaa sa senior officers sa PRO 10 ang pag-disiplina sa ilang mga pulis aron mahatag ang gilaumang kalidad nga serbisyo ngadto sa katawhan.
Gihimo ni Salvador ang mensahe atol sa iyang thanks giving journey sa Kampo Alagar diin nakabase ang PRO 10 nga pinakauna niya nga police assignment gikan sa pag-gradwar sa PNPA Class of 1993.
Hisayrang pipila ka semana gikan karon,mo-retiro na sa panerbisyo si Salvador sa PNP.
