Giyagyag ni Hakbang ng Maisug Convenor Atty. Vic Rodriguez nga nakahadlok ug usa ka dakong kabuang alang sa katawhan ang mga katarungan sa mga mambalaod aron lang ipasibog pag-usab ang Barangay Elections.
Gipasabot sa maong legal expert nga dili madawat ang mga rason sama sa energy emergency ug ang gubat sa US ug Iran aron lang isuspinde ang demokrasya sa mga barangay ug sa Bangsamoro Region.
Dugang pa niya, dili sakto nga pun-an og duha ka tuig ang termino sa mga opisyal aron ipahigayon ang sunod nga botasyon ig-abot pa sa Nobyembre sa tuig 2028.
Gitataw usab sa convenor nga adunay na gayud gihain nga mga pondo ug bill sa Kongreso ug Senado nga klarong nagpasabot nga maoktaba na usab ang maong duha ka importanteng eleksyon.
