Nagkasa na og mga giya ug precautionary measures ang City Health Office batok sa mga sakit nga posibleng motumaw tungod sa Super El Niño sa Cagayan de Oro.
Gipasabot ni City Information Officer Jade Adeser nga nakig-alayon na ang City Health Office sa City Information Office aron paspasan ang pagpakaylap sa mga health advisories bahin sa heat-related illnesses.
Butyag pa sa opisyal nga lakip ang City Hospital sa nangandam sa mga emerhensya labi na sa pagtaas sa blood pressure sa mga senior citizen ug uban pang komplikasyon sa panit ug lawas.
Tungod niini, nanawagan ang LGU sa publiko nga magtinabangay pinaagi sa pagpaniid sa balita, pagpangandam sa panimalay, ug pagmentinar sa kapiskay sa lawas sa panahon sa krisis.
