CAGAYAN DE ORO CITY-Napatay sa tropa sa 1st Tabak Division,Philippine Army ang pipila ka sakop sa grupong Maute dihang na engkuwentro nila sa Brgy Kalilangan,Masyu,Lanao del Sur.
Gibutyag ni Marawi City Police Office Dir Supt Ebra Moxsir nga sakay sa duha ka baruto ang 10 ka armadong tawo aron unta mosulod sa lungsod sa Masyu dihang nasapon sa militar.
Una nang gibutyag ni 1st Tabak Division commander Brig Gen Roseller Murillo nga napaunlod sa ilang tropa ang duha ka baruto dihang nakig-engkuwentro.Narekober sa mga naguba nga baruto ang M203 grenade launcher;RPG launcher,anti-personnel rockets,ISIS flag ug drug paraphernalia.
Hisayrang sulod sa lima ka bulan nga paggukod sa militar,napatay nila ang kapin 900 ka terorista mismo sulod sa Marawi City niadtong tuig 2017.
